لاہور(نیوز رپورٹر)وزیراعلیٰ مریم نوازنے سٹیز ڈویلپمنٹ پروگرام کی نگرانی کیلئے وزیر بلدیات ذیشان رفیق کی سربراہی میں سٹیئرنگ کمیٹی قائم کر دی ہے۔ وزیراعلیٰ کے معاون خصوصی ذیشان ملک، سیکرٹری لوکل گورنمنٹ شکیل احمد میاں و دیگر بطور ممبر شامل ہیں۔ وزیر بلدیات ذیشان رفیق نے پنجاب میونسپل ڈویلپمنٹ فنڈ کمپنی کا دورہ کر کے پروگرام میں پیشرفت کا جائزہ لیا۔ سیکرٹری لوکل گورنمنٹ شکیل احمد میاں اور ایڈیشنل سیکرٹری احمر سہیل کیفی بھی موجود تھے۔ وزیر بلدیات نے کہا  میگا پراجیکٹ  کے تحت شہری علاقوں میں سیوریج، ڈرینج، بارانی پانی کے ذخیرے، پارکس اور گلیوں کی تعمیر و مرمت کے منصوبے مکمل کئے جائیں گے۔ پہلے مرحلے میں 59، دوسرے میں 110 شہروں کی اپ گریڈیشن ہوگی۔