نیویارک (نوائے وقت رپورٹ) امریکہ کی ریپبلکن نیشنل کمیٹی نے پاکستانی نژاد مسلمان ڈیموکریٹ آغا محمد صالح کو ٹرمپ کابینہ کا رکن منتخب کر لیا ہے۔ آغا محمد صالح نے 2024ء کی صدارتی انتخابی مہم میں ڈونلڈ ٹرمپ کی پرجوش حمایت اور نیویارک ان کی جیت میں اہم کردار ادا کیا تھا۔ آغا صالح نے مسجدوں‘ مندروں اور دیگر مذہبی و دیگر مراکز میں بین المذاہب مہم چلائی جو ٹرمپ اور ان کی پارٹی کیلئے سود مند رہی۔ وہ اصلاحات کے داعی‘ بائیں بازو کی انتہاپسند پالیسیوں خاص طور پر بائیڈن انتظامیہ کی امیگریشن پالیسی کے شدید ناقد رہے ہیں۔ آغا صالح نیویارک کمیونٹی بورڈ کے رکن بھی رہ چکے ہیں۔ وہ گورنر نیویارک کی انتخابی دوڑ میں شامل ہوئے لیکن بعدازاں جمر مان ولیمز کی حمایت میں دستبردار ہو گئے۔ پاکستانی نژاد محمد صالح 3 دہائیوں سے نیویارک میں مقیم ہیں اور وہاں کی جانی مانی سیاسی شخصیت ہیں۔ ان کے کابینہ رکن کے طور پر انتخاب کو ان کی ٹرمپ کیلئے جدوجہد کا نتیجہ قرار دیا جا سکتا ہے۔