لاہور (نوائے وقت رپورٹ) وفاقی حکومت نے لاہور میں 5 احتساب عدالتوں کو ختم کر دیا، جبکہ عملے کو ٹربیونلز اور دیگر خصوصی عدالتوں میں ضم کر دیا گیا۔ وفاقی وزارت قانون کی جانب سے احتساب عدالتیں ختم کرنے کا باقاعدہ نوٹی فکیشن جاری کر دیا۔ نوٹی فکیشن کے مطابق احتساب عدالت نمبر 1 لاہور کو انٹیلیکچول پراپرٹی ٹربیونل ملتان تبدیل کر دیا گیا، جبکہ احتساب عدالت نمبر 3 لاہور کو خصوصی عدالت برائے کسٹم، ٹیکسیشن ملتان میں تبدیل کر دیا گیا۔ احتساب عدالت نمبر 4 لاہور کو خصوصی عدالت برائے کسٹم، ٹیکسیشن ٹو لاہور، احتساب عدالت نمبر 8 لاہور کو انٹلیکچول پراپرٹی ٹربیونل لاہور ٹو میں تبدیل کر دیا گیا۔ احتساب عدالت نمبر7 لاہور کو سپیشل جج سینٹرل عدالت گجرات میں تبدیل کر دیا گیا۔ لاہور میں 10 احتساب عدالتوں میں سے 5 عدالتیں کم کی گئی ہیں۔