اسلام آباد(سپورٹس رپورٹر)پاکستان کرکٹ بورڈ نے آئی سی سی چیمپئنز ٹرافی 2025 کے دو میچوں کے ٹکٹوں کی رقم کی مکمل واپسی کا اعلان کیا ہے جو راولپنڈی کرکٹ اسٹیڈیم میں بغیرگیند کرائے ختم ہوگئے تھے۔متاثرہ میچوں میں 25 فروری کو آسٹریلیا بمقابلہ جنوبی افریقہ اور 27 فروری کو بنگلہ دیش بمقابلہ پاکستان شامل ہیں۔آئی سی سی چیمپئنز ٹرافی 2025 کے لیے پی سی بی ٹکٹ کی واپسی کی پالیسی کے مطابق ٹکٹ ہولڈر مکمل رقم کی واپسی کے اہل ہیں اگر۔ میچ ٹاس سے پہلے ہی ختم کردیا گیا ہو۔ تمام انکلوژر کے ٹکٹ واپس کر دیے جائیں گے۔ ہاسپٹلیٹی باکسز کے ٹکٹ (باکس اور پی سی بی گیلری) کے ٹکٹ ہولڈرز رقم کی واپسی کے اہل نہیں ہوں گے۔اہل ٹکٹ ہولڈرز پیر 10 مارچ 2025 سے جمعہ 14 مارچ 2025 کے درمیان منتخب ٹی سی ایس آؤٹ لیٹس پر اپنی رقم کی واپسی کا دعویٰ کر سکتے ہیں (تاخیر سے کی گئی  درخواستوں پر غور نہیں کیا جائے گا)۔ریفنڈ کے لیے :خریداری کے ثبوت کے طور پر ایک اصل / اور بغیر نقصان زدہ  ٹکٹ پیش کریں۔