اسلام آباد(میگزین رپورٹ)شہر کے تعلیمی ' تدریسی اور عوامی حلقوں نے پرنسپل دی ٹینیشس انٹرنیشنل یونیورسٹی کالج پروفیسر صائمہ سجاد کا علمی مشن جاری رکھنے کے لیے صائمہ سجاد فانڈیشن قائم کرنے کے فیصلے کا خیر مقدم کرتے ہوئے پروفیسر حافظ سجاد قمر اور ان کے احباب کو مبارک باد دی ہے اس امید کا اظہار بھی کیاکہ فانڈیشن کے پلیٹ فارم سے مرحومہ پروفیسر صائمہ سجاد کے تعلیمی منصوبوں کو جاری رکھا جائے گا۔ سرپرست اعلیٰ آزاد کشمیر کالمسٹ ایسوسی ایشن پروفیسر ریاض اصغر ملوٹی،چیف آرگنائزر علم دوست کونسل پاکستان یونس شہبازی ، سربراہ تعمیر ملت یوتھ فورم صوفی انوارصدیق اور انجینئر افتخار احمد چوہدری سمیت سماجی شخصیات کا کہنا تھا کہ حافظ سجادقمر اور ان کے اہلیہ نے خود کو فروغ علم اور خدمت انسانیہ کے لیے وقف کررکھا ہے جس کا اعتراف ایبٹ آباد ،اسلام آباد اور راولپنڈی سمیت پوٹھوار کے علم دوست حلقوںنے کئی مرتبہ کیا۔ انجینئر افتخار احمد چوہدری نے کہا کہ خاموش خدمت اور نونہالوں کی سرپرستی پروفیسر صائمہ سجادکے معمولات تھے، حافظ سجادقمر نے ان کا ارفع مشن جاری رکھ کر مرحومہ کیلئے صدقہ جاریہ کا بندوست کر دیا۔ یاد رہے حافظ سجاد قمر کی اہلیہ پروفیسر صائمہ سجاد 16 دسمبر 2023 کو دارالفنا سے دارالبقا منتقل ہوئی تھیں۔