لاہور(سپورٹس رپورٹر) مبینہ کرپشن الزامات کے بعد چیف سیکرٹری پنجاب نے شاہد زمان کو او ایس ڈی بنا دیا۔ ذرائع کے مطابق سیکرٹری سپورٹس نے مشیر کھیل کو تمام محکمانہ امور سے دور کردیا تھا۔ پالیسی امور اور کھیلوں کے حوالے سے مشیر کھیل سے کوئی مشورہ نہیں کیا جاتا تھا۔ سیکرٹری سپورٹس خود کو مشیر کھیل کا باس قرار دیتے تھے۔ 5 ماہ سے محکمہ سپورٹس کی تمام کھیلوں کی سرگرمیاں معطل تھیں جبکہ مشیر کھیل پنجاب کی جانب سے اعلان کردہ کھلاڑیوں کی انعامی رقم بھی 6 ماہ سے التوا کا شکار تھی۔شاہد زمان نے اہم عہدوں پر مرضی سے آوٹ آف میرٹ تعیناتیاں کیں جو افسر سیکرٹری سپورٹس سے اختلاف کرتا اسکے خلاف انتقامی کارروائی ہو جاتی۔ مشیر وزیراعلیٰ پنجاب وہاب ریاض نے سیکرٹری سپورٹس پر لگائے الزامات کی تصدیق کردی۔ وہاب ریاض نے کہاکہ بچوں اور سپورٹس کے 40 کروڑ روپے ہاکی سٹڈیم میں لگا دئیے گئے۔ ہاکی سٹڈیم میں پیسے بلاوجہ لگائے گئے حالانکہ یہاں بین الاقومی کھیل نہیں ہوتا۔ انہوں نے کہا کہ  لاکھوں روپے میں قذافی سٹیڈیم کے درختوں کو بھی پینٹ کر دیا گیا ، شاہد زمان نے چھ ماہ سے سپورٹس کا کوئی ایونٹ بھی نہیں ہونے دیا ، شاہد زمان پر کرپشن کے الزامات کی تحقیق شروع کر دی ہے، سرکار کے صبر کا پیمانہ لبریز ہوا تو سیکرٹری سپورٹس کو او ایس ڈی بنایا گیا ہے ۔سیکرٹری ٹورازم جہانگیر انور کو سیکرٹری سپورٹس کا اضافی چارج دے دیا گیا۔ ذرائع کے مطابق مشیر وزیراعلی پنجاب وہاب ریاض سیکرٹری سپورٹس کی کارکردگی سے مطمئن نہیں تھیذرائع کے مطابق پالیسی امور اورکھیلوں کے حوالے سے مشیرکھیل سے کوئی مشورہ نہیں کیا جاتا تھا،،5 ماہ سے محکمہ سپورٹس کی تمام کھیلوں کی سرگرمیاں معطل تھیں۔سیکرٹری سپورٹس شاہدزمان کا تبادلہ کرکے اوایس ڈی بنا دیا گیا تھا۔مشیرکھیل پنجاب کی جانب سے اعلان کردہ کھلاڑیوں کی انعامی رقم بھی 6 ماہ سے التوا ء کا شکار ہیں۔