لاہور(سپورٹس رپورٹر)پاکستان سپر لیگ فرنچائز ملتان سلطانز کے ٹیم ڈائریکٹر ندیم خان نے کہا ہے کہ ہمارے پلاٹینم اوورسیز پلیئرز کی پرفارمنس اچھی نہیں رہی۔ ملتان سلطانز کی 4 سال سے زبردست پرفارمنس رہی لیکن اس مرتبہ ایسا نہیں ہوا۔ ہمارے پلاٹینم اووسیز پلیئرز کی پرفارمنس توقع کے مطابق نہیں رہی، لوکل پلیئرز نے اچھا پرفارم کیا ہے۔ ہماری فیلڈنگ اچھی نہیں رہی، بائولنگ سب کے سامنے ہے، 236 بھی مخالف ٹیم نے بنا ئے، میں سمجھتا ہوں کہ ہم بائولنگ میں پیچھے رہے ہیں۔ میچ شفٹ کرنے کیلئے ہم سے مشاورت ہوئی ہے، فیصلے سے ہمارا مالی نقصان ہوا ہے فینز کرکٹ سے محروم ہوئے ہیں۔پی سی بی کے فیصلے کیساتھ کھڑے ہیں، ہمیں 3 آپشنز دیئے گئے تھے جو ہمیں قبول تھے۔ کراچی کنگز کو کچھ مشکلات کا سامنا تھا ان کے آگے میچز زیادہ تھے اس لیے یہ فیصلہ ہوا، نقصان ہوا ہے لیکن پی سی بی کے فیصلے کے مطابق گئے ہیں۔