اسلام آباد(این این آئی)وفاقی وزیر ریلوے اعظم خان سواتی سے چین سے آئے وفد نے ملاقات کی۔اس ملاقات کے دوران سی پیک منصوبے کے حوالے سے بات چیت ہوئی۔ملاقات کے دوران ریلوے کو جد ید خطوط پر استوار کر نے اور ایم ایل ون منصوبے کے حوالے سے باہمی امور پر بھی بات چیت ہوئی۔وفد نے یقین دہانی کراوتے ہوئے کہا کہ ایم ایل ون ان کے نزدیک پاکستان کا اہم تر ین منصوبہ ہے۔وزیر ریلوے محمد اعظم خان سواتی نے بتا یا کہ پاکستان ریلوے کا مستقبل ایم ایل ون منصوبے سے جڑا ہوا ہے، ایم ایل ون منصوبے سے ڈیڑھ لاکھ افراد کو بلواسطہ اور بلا واسطہ روزگار کے مواقع فراہم ہونگے جس سے ٹرین کی رفتار 160 کلومیٹر فی گھنٹہ ہو جائیگی، لاہورتاکراچی کا سفر دورانیہ صرف 8 گھنٹے ہوگااور جبکہ راولپنڈی اور لاہور صرف اڑھائی گھنٹے،ملتان اور لاہور 2 گھنٹے،کراچی اور راولپنڈی دس گھنٹے رہ جائے گا۔ٹریک کے دونوں طرف فینیسنگ ہوگی، تمام پھاٹکوں کا خاتمہ ہوجائیگا،ایم ایل ون کیساتھ ساتھ ایم ایل ٹو اور کوئٹہ گوادر پر بھی کا م کرینگے، ہماری ریل پورا پاکستابن جوڑے گی۔گوادر پورٹ کو نئی زندگی دے گی۔ پاکستان ریلوے کی تاریخ میں پہلی مرتبہ بزنس پلان پیش کیا گیا، 73سال میں ان کا کوئی بزنس پلان نہیں تھا ریلوے نے اس پر محنت کی ہے ML-1کے حوالے سے میں قوم کو مبارک باد دیتا ہوں۔انشاء اللہ ML-Iبھی ہمارے دور میں مکمل ہو گا۔