لاہور (سپورٹس رپورٹر )بھارت نے پاکستان مینز ہاکی ٹیم کو ایشیاکپ 2025 ء کیلئے ویزا دینے سے انکار کردیا۔ رپورٹ کے مطابق مینز ہاکی ایشیاکپ رواں برس  اگست اور ستمبر میں بھارت کے شہر راجگیر میں شیڈول ہے، یہ ٹورنامنٹ 2026 ہاکی ورلڈکپ کی کوالیفکیشن کا اہم ذریعہ تھا۔پہلگام واقعہ کے بعد بھارت اور پاکستان کے درمیان بڑھتی سفارتی کشیدگی کے بعد یہ اقدام سامنے آیا ہے، ایشین ہاکی فیڈریشن نے ابھی تک اس صورتحال پر کوئی تبصرہ نہیں کیا ہے تاہم بھارتی حکام اپنے فیصلے پر قائم ہیں۔ پاکستان نے اب تک ٹورنامنٹ کے شیڈول سے متعلق شکایت درج نہیں کروائی ہے، اگر پاکستان درست انداز میں موقف پیش کرنے میں کامیاب رہا تو ہوسکتا ہے ایونٹ کو نیوٹرل وینیو پر شیڈول کروایا جائے۔ تین بار ایشیا کپ جیتنے والی پاکستانی ٹیم کا ریکارڈ شاندار رہا ہے۔