گوجرانوالہ(نمائندہ خصوصی)گوجرانوالہ بزنس سینٹر اور پاکستان سدرن افریقہ ٹریڈ فیڈریشن کے درمیان مفاہمتی یادداشت پر دستخط کیے گئے، اس موقع پر پاکستان سدرن افریقہ ٹریڈ فیڈریشن کے وفد نے گوجرانوالہ بزنس سینٹر کا دورہ کیا۔ وفد کی قیادت پی ایس اے ٹی ایف کے چیئرمین محمد رفیق میمن نے کی،پی ایس اے ٹی ایف  پاکستان اور جنوبی افریقہ کے ممالک کے درمیان معاشی تعاون پر کام کرنیوالی سب سے بڑی تنظیم ہے جو افریقہ کے 16ممالک میں موجود ہے، جن میں سائوتھ افریقہ، نمیبیا، تنزانیہ، انگولا، بوٹسوانا، کوموروس، کانگو، ایسواتینی، لیسوتھو، مڈگاسکر، ملاوی، ماریشس، موزمبیق، سیشلز، زیمبیا اور زمبابوے شامل ہیں، پی ایس اے ٹی ایف کا ہیڈ کوارٹر جوہانسبرگ سائوتھ افریقہ میں موجود ہے اور یہیں سے اس تجارتی ادارے کے تنظیمی معاملات کو چلایا جاتا ہے، اس موقع پر گفتگو کرتے ہوئے پی ایس اے ٹی ایف کے چیئرمین محمد رفیق میمن کا کہنا تھا کہ ہمارا پاکستان آنے کا مقصد پاکستان کی سب سے بڑی انجینئرنگ ایکسپو HEMS 2025 کا حصہ بننا تھا، ہمیں یہ دیکھ کر بے حد خوشی ہوئی کہ افریقہ کے 35ممالک سے تجارتی وفود نے اس نمائش میں شرکت کی اور مقامی کاروباری برادری سے روابط استوار کیے، ایکسپو کے دوران ہمیں گوجرانوالہ بزنس سینٹر کے توسط سے میڈ ان گوجرانوالہ انکلوئیرکو دیکھنے کا موقع ملا جو ہمارے لیے خوش آئند تھا۔