پاکستان کے سابق کپتان شاہد آفریدی نے مقبوضہ کشمیر میں پہلگام واقعے پر بھارت کی جانب سے پاکستان پر لگائے گئے جھوٹے الزامات پر سخت ردعمل ظاہر کیا ہے شاہد آفریدی نے کہا کہ بھارت نے واقعے کے فوری بعد بغیر کسی تحقیقات کے پاکستان پر الزام لگا دیا جو کہ انتہائی افسوسناک ہے انہوں نے کہا کہ پاکستان کو دہشت گردی کا سامنا ہے اور مقبوضہ کشمیر میں ہونے والے انسانی جانوں کے ضیاع اور پاکستان میں بڑھتے دہشت گرد حملوں پر افسوس کا اظہار کرتے ہوئے کہا کہ لڑائی سے کچھ حاصل نہیں ہوگا ان کا کہنا تھا کہ کرکٹ کو سیاست کی نظر نہیں ہونا چاہیے اور پاکستان اور بھارت کے درمیان مسائل کا حل صرف سفارتی بات چیت کے ذریعے ممکن ہے دوسری جانب عالمی شہرت یافتہ اولمپک گولڈ میڈلسٹ ارشد ندیم کو بھارت میں ہونے والے نیزہ بازی کے ایونٹ میں شرکت کی دعوت دینے پر بھارتی انتہاپسندوں نے شدید ردعمل کا اظہار کیا نیرج چوپڑا جو کہ بھارت کے معروف نیزہ باز ہیں نے 24 مئی کو بھارت کے شہر بنگلورو میں ہونے والے ”نیراج چوپڑا کلاسک“ میں ارشد ندیم سمیت دنیا بھر کے بہترین اتھلیٹس کو دعوت دی تھی اس فیصلے کو بھارتی میڈیا اور انتہاپسند حلقوں نے ”حب الوطنی کے خلاف“ قرار دیتے ہوئے نیرج کو شدید تنقید کا نشانہ بنایا نیرج چوپڑا نے سوشل میڈیا پر ٹرولنگ اور الزامات کا سامنا کرتے ہوئے وضاحت پیش کی کہ ان کا ارشد ندیم کو دعوت دینا صرف ایک کھلاڑی کی جانب سے دوسرے کھلاڑی کے لیے کھیل کے جذبے کے تحت تھا نیرج نے کہا کہ ان کی محبت اپنے ملک سے کسی سے کم نہیں ہے مگر جب ان کے خلوص اور خاندان پر حملے کیے جائیں گے تو وہ خاموش نہیں رہیں گے ان کا کہنا تھا کہ بگڑتی ہوئی صورتحال کے بعد ارشد ندیم کی شرکت ممکن نہیں ہو سکتی واضح رہے کہ ارشد ندیم نے پہلے ہی نیرج کی دعوت کا شکریہ ادا کرتے ہوئے معذرت کرلی تھی ان کا کہنا تھا کہ ان کا سال بھر کا ٹریننگ شیڈول اور ایونٹس پہلے سے طے ہیں اور وہ اس وقت کوریا میں 27 مئی سے شروع ہونے والی ایشین ایتھلیٹکس چیمپئن شپ کی تیاریوں میں مصروف ہیں