لاہور(نامہ نگار)بیگم بھٹو نے اپنے خاندان اور کارکنوں کے خون سے پیپلز پارٹی کی آبیاری کی۔صدر زرداری بیگم بھٹو کی جمہوری جدوجہد کے باعث دوسری مرتبہ صدر مملکت بنے ہیں۔ان خیالات کا اظہار مقررین نے پاکستان پیپلز پارٹی سینٹرل پنجاب سیکرٹیریٹ ماڈل ٹاؤن میں مادر جمہوریت بیگ نصرت بھٹو کی 96 سالگرہ تقریب سے کیا۔ تقریب کے مہمان خصوصی بھٹو لیگسی فاؤنڈیشن کے چیئرمین بشیر ریاض تھے جبکہ صدارت ممبر فیڈرل کونسل شاہدہ جبیں نے کی۔اس موقع پربیگم نصرت بھٹو کی 96ویں سالگرہ کا کیک بھی کاٹا گیا۔ سالگرہ میں پارٹی رہنما ،حاجی عزیز الرحمن چن،احمد جواد رانا،ڈاکٹر ضرار یوسف،غلام عباس میر،جاوید الیاس ججی بٹ، شبیر عباس میر،عارف خان،اکرم فاروقی،نصیر خان،رائے احمد حسن جندیکا،خواجہ عامر سعید،مبشر سروبا،نعمان یوسف،خاور ناہید موہل،فرحت یاسمین،یاسمین فاروق سلیم مغل،شاہد شیرازی سمیت کارکنوں کی کثیر تعداد موجود تھی۔بشیر ریاض نے کہا بھٹو خاندان نے نسل در نسل پاکستان کی ترقی کیلئے کردار ادا کیا ہے۔ بیگم بھٹو جمہوریت کا استعارہ اور پوری دنیا کی خواتین کیلئے رول ماڈل ہیں۔بھٹو کو پھانسی کی سزا سنائی گئی تو بیگم بھٹو نے کہا کہ ہم معافی نہیں مانگیں گے۔