لاہور(سپورٹس رپورٹر)پاکستان ویمنز کرکٹ ٹیم کی نائب کپتان اور بیٹر منیبہ علی نے کہا ہے کہ آئی سی سی ویمنز کرکٹ ورلڈ کپ کوالیفائر ٹیم آف دی ٹورنامنٹ میں شمولیت ناصرف ہمارے بلکہ پاکستان ہمارے لیے ایک اعزاز ہے۔ اس اعزاز پر اللہ تعالیٰ کا شکر ادا کرتے ہیں۔ ورلڈ کپ میں بھی اسی پرفارمنس سے پاکستان کی جیت کو برقرار رکھنے کی پوری کوششیں کریں گے۔ پہلی بار پاکستان ویمنز ٹیم نے کسی ایونٹ میں دو وارم اپ میچز اور 5  میچز جیت کر کارنامہ سر انجام دیا ہے۔