اسلام آباد (نوائے وقت پورٹ) دفتر خارجہ نے مختلف ممالک میں تعینات سفراء کے تبادلے کردیے جبکہ وزیراعظم شہباز شریف نے کئی ممالک میں پاکستان کے نئے سفیروں کی تعیناتی کی بھی منظوری دے دی۔ ذرائع کے مطابق عاصمہ ربانی فلپائن، رحیم حیات قریشی برسلز میں پاکستان کے نئے سفیر اور سفیر برائے یورپی یونین، عبدالحمید بھٹہ جاپان، نجیب درانی گھانا، زاہد حفیط چوہدری آسٹریلیا کے بجائے اب انڈونیشیا میں پاکستان کے نئے سفیر ہوں گے۔ ذرائع نے بتایا معظم شاہ جنوبی کوریا، ملک فاروق ساؤتھ افریقہ میں پاکستان کے نئے سفیر ہوں گے۔ ذرائع کے مطابق شہباز کھوکر بیروت، عادل گیلانی مراکش میں پاکستان کے نئے سفیر ہوں گے۔ طارق کریم اور اقصیٰ نواز کو بھی افریقی ممالک میں پاکستان کے سفراء تعینات کیا گیا ہے۔ سید حیدر شاہ نیدرلینڈ میں پاکستان کے نئے سفیر ہوں گے، عامر شوکت مصر جبکہ مرغوب سلیم بٹ سوئٹزرلینڈ میں پاکستان کے نئے سفیر ہوں گے۔ ذرائع کے مطابق زمان مہدی شکاگو، واجد ہاشمی ملبورن، امتیاز گوندل مانچسٹر میں پاکستان کے نئے قونصل جنرل ہوں گے، شہریار اکبر چیک ریپبلک میں پاکستان کے نئے سفیر ہوں گے۔