لاہور(خبرنگار) چیف جسٹس لاہور ہائیکورٹ عالیہ نیلم کی منظوری کے بعدپرنسپل سیٹ پر مقدمات کی سماعت کیلئے ترمیمی ججز روسٹر جاری،پرنسپل سیٹ پر11 ڈویژن بنچ سول اور فوجداری اپیلوں پر سماعت کرینگے،28 سنگل بنچ حکم امتناعی، ضمانت، اندراج مقدمہ کے کیسوں کی سماعت کریں گے۔ چیف جسٹس عالیہ نیلم اور جسٹس عبہر گل خان پر مشتمل بینچ ہر قسم کے کیسوں پر سماعت کرے گا۔جسٹس عابد عزیز اور جسٹس رسال حسن سید پر مشتمل بینچ ٹیکس اپیلوں،جسٹس شمس محمود مرزا اور جسٹس ساجد محمود سیٹھی پر مشتمل بینچ بینکنگ اور کمرشل اپیلوں،جسٹس شہباز رضوی اور جسٹس طارق سلیم شیخ پر مشتمل بینچ نیب اور کریمنل اپیلوں ،جسٹس فیصل زمان اور جسٹس خالد اسحاق پر مشتمل بینچ سول اپیلوں،جسٹس شاہد کریم اور جسٹس راحیل کامران پر مشتمل بینچ کمرشل اپیلوں،جسٹس چوہدری محمد اقبال اور جسٹس وقار حیدر اعوان پر مشتمل بینچ سول اپیلوں ،جسٹس شہرام سرور چوہدری اور جسٹس سردار اکبر ڈوگر پر مشتمل بینچ قتل کیسوں میں اپیلوں،جسٹس فاروق حیدر اور جسٹس علی ضیاء باجوہ پر مشتمل بینچ فوجداری اور نارکوٹکس اپیلوں،جسٹس محمد طارق ندیم اور جسٹس راجہ غضنفر علی خان پر مشتمل بینچ فوجداری اپیلوں،جسٹس سلطان تنویر احمد اور جسٹس حسن نواز مخدوم پر مشتمل بینچ بنکنگ اور کمرشل اپیلوں پر سماعت کرے گا۔