لاہور(سپورٹس رپورٹر)پاکستان سپر لیگ 7 میں ملتان سلطانز کی اننگز میں 2 سنچری پارٹنرشپس بنیں۔ قذافی سٹیڈیم پر ملتان سلطانز اور کوئٹہ گلیڈی ایٹرز کا میچ کھیلا گیا، میچ میں پاکستان میں پہلی مرتبہ ٹی 20 میچ میں 2 سنچری پارٹنر شپس بنی ہیں ،ان دونوں ہی شراکتوں کا محمد رضوان حصہ رہے۔سلطانز کی پہلی سنچری شراکت محمد رضوان اور شان مسعود کے درمیان بنی، جو 119 رنز کی تھی۔ محمد رضوان اور رئیلی روسو نے سکور 222 رنز تک پہنچادیا، یوں ایک ہی اننگز میں دو سنچری شراکت کا کارنامہ اپنے انجام کو پہنچا۔