اسلام آباد(نمائندہ نوائے وقت)ریفامز پر چیئرمین کمیٹی ریاض فتیانہ کا وزیر قانون فروغ نسیم کو زبردست خراج تحسین، اراکین نے ڈیسک بجا کر تائید کی۔فروغ نسیم نے سپیکر قومی اسمبلی اسدقیصر سے بھی ملاقات کی۔ریا فتیانہ نے کہا کہ وزیر قانون فروغ نسیم طلسماتی شخصیت کے مالک ہیں، قومی اسمبلی کی قائمہ کمیٹی برائے قانون و انصاف کا اجلاس چیئرمین ریاض فتیانہ کی زیر صدارت منعقد ہوا، کمیٹی کی جانب سے نیب آرڈینس کے دونوں ترمیمی بل کثرت رائے سے منظورکرلیے گئے، قائمہ کمیٹی نے ذیلی کمیٹی سے اقلیتوں اور چائلڈ رائٹس کے حوالے سے ایک ماہ میں پورٹ طلب کرلی ہے،کمیٹی نے وزارت قانون و انصاف کی پی ایس ڈی پی پر بجٹ تجاویز کو بھی زیر غور لایا اور ان کی منظوری دی۔وزیر قانون فروغ نسیم نے چیرمین کمیٹی کو غیر جانبدار انداز سے اجلاس چلانے پر خراج تحسین پیش کیا ۔نیب ترمیمی بل کی منظوری کے بعد وزیر قانون فروغ نسیم نے میڈیا سے گفتگو کرتے ہوئے کہا کہ اللہ پر ایمان ہے اللہ کی ذات ہر کام میں مدد کرتی ہے یہ نیب ترامیم پاکستان کے لیے ہیں میری ذات کے لئے نہیں ہیں، یہ قانون سازی عمران خان کی ذات کے لیے نہیں پاکستان کی عوام کے لئے ہے ۔