لاہور(لیڈی رپورٹر) محکمہ تعلیم (پیکٹا) کی گلوبل سٹیزن شپ ان ایجوکیشن کے موضوع پر جاری انٹرنیشنل لیول کی 4 روزہ ورکشاپ اختتام پذیر ہو گئی۔ ورکشاپ میں شرکاء کو نصاب سازی سمیت دیگر متعلقہ امور پر بین الاقوامی ماہرین تعلیم کی جانب سے ٹریننگ دی گئی۔ اختتامی تقریب سے وزیر تعلیم رانا سکندر حیات، چیف ایگزیکٹو آفیسر پیکٹا ڈاکٹر شہنشاہ فیصل عظیم، پارلیمانی سیکرٹری نوشین عدنان، سیکرٹری سکول ایجوکیشن خالد نظیر وٹو و دیگر نے کہا دنیا گلوبل ویلج بن چکی ہے۔ پاکستان جیسے ترقی پذیر ممالک کو گلوبلائزیشن جیسے مشترکہ چیلنجز کا سامنا ہے۔ ان حالات میں گلوبل سٹیزن شپ ان ایجوکیشن کو فروغ دینا اہمیت اختیار کر چکا ہے۔ رانا سکندر حیات اور ڈاکٹر شہنشاہ فیصل عظیم نے جنوبی کوریا، آسٹریلیا، فلپائن اور دیگر ممالک  سے آئے ہوئے تعلیمی ماہرین سے اظہار تشکر کیا۔