لاہور(سپورٹس رپورٹر)امریکی باسکٹ بال کھلاڑی کو انڈونیشیا میںمنشیات سمگل کرنے کی کوشش کے الزام میں گرفتار کرلیا گیا۔منشیات کیلئے انتہائی سخت قوانین والے ملک میں سزا یافتہ سمگلروں کو بعض اوقات فائرنگ سکواڈ کے ذریعے سزائے موت دی جاتی ہے۔امریکی ریاست ٹیکساس کے شہر ڈیلس سے تعلق رکھنے والے 34 سالہ جیرڈ ڈوین شا سے جکارتہ ائیرپورٹ پر869 گرام بھنگ برآمد ہوئی اور انہیں گرفتار کرلیا گیا۔جکارتہ ایئرپورٹ میں گرفتار امریکی کھلاڑی 2022 سے انڈونیشین باسکٹ بال لیگ میں شرکت کر رہا ہے جبکہ گرفتاری کے بعد انڈونیشیا کی باسکٹ بال لیگ نے شا پر تاحیات پابندی عائد کر دی ہے۔انڈونیشیا میں منشیات کے 530 مجرم سزائے موت کے منتظر ہیں جن میں 96 غیر ملکی بھی شامل ہیں۔