لاہور(خبرنگار)ڈی سی لاہور سید موسیٰ رضا نے فش منڈی منتقلی کے حوالے سے حنین پورہ شاہدرہ کا دورہ کیا. اسسٹنٹ کمشنر سٹی رائے بابر بھی ڈی سی لاہور کے ہمراہ تھے. ڈی سی لاہور نے کہا کہ 20 کنال سرکاری اراضی پر فش منڈی تعمیر کی جا رہی ہے. انہوں نے کہا کہ فش منڈی منتقلی میں تعمیراتی کام کا جائزہ لیا. ڈی سی لاہور سید موسیٰ رضا نے ٹھیکیدار سے کام کی پیشرفت سے متعلق بریفنگ لی اور فش منڈی کے سٹرکچر اور تعمیرات میں بہتری کے اقدامات کی ہدایت کی. ڈی سی لاہور نے فش منڈی کے تعمیراتی عمل کو جلد از جلد مکمل کرنے کی ہدایات کیں اور فش منڈی تعمیرات میں بہترین اور معیاری میٹیریل استعمال کرنے کا بھی کیا. ڈی سی لاہور نے کہا کہ فش منڈی اردو بازار سے حنین پورہ شاہدرہ منتقل کی جائے گی۔