لاہور(نیوز رپورٹر)صوبائی وزیرصحت خواجہ سلمان رفیق نے جناح ہسپتال لاہور کا دورہ کیا۔اس موقع پر چیئرمین بورڈ آف مینجمنٹ گوہر اعجاز، پرنسپل علامہ اقبال میڈیکل کالج پروفیسر طیبہ وسیم، عرفان علی، نجیب فیصل اور سی اینڈ ڈبلیو کی ٹیم نے ملاقات کی۔صوبائی وزیرنے تمام HODsکو اپنے ڈیپارٹمنٹس میں موجودرہنے ،کیو مینجمنٹ سسٹم فعال کرنے کی ہدایت کی۔ خواجہ سلمان رفیق نے جناح ہسپتال ایمرجنسی، پری کائونٹر و دیگر شعبہ جات  میں مریضوں کی عیادت کی، طبی سہولیات بارے فیڈ بیک لیا۔انہوںنے کہا ہسپتالوں میں علاج کی بہترین سہولیات فراہم کرنا ہماری اولین ترجیح ہے ‘ایم ایس مریضوں کیلئے آسانیاں پیدا کریں۔خواجہ سلمان رفیق نے کہاؒروزانہ کی بنیاد پر ہسپتالوں میں مسائل کی نشاندہی اور گائیڈ کر رہے ہیں۔وزیر اعلیٰ پنجاب مریم نواز شریف کے ویژن کے مطابق عوام تک صحت کی بہترین سہولیات کی فراہمی کیلئے کوشاں ہیں۔