لاہور(سپورٹس رپورٹر)سابق انگلش کرکٹر معین علی نے چیمپئنز ٹرافی 2025 میں پاکستان ٹیم کی کارکردگی اور فاسٹ بائولرز پر شکوک و شبہات کا اظہار کیا  اور نسیم شاہ، شاہین آفریدی اور حارث رؤف کی صلاحیتوں کا اعتراف کیا لیکن انٹرنیشنل کرکٹ میں بہترین ہونے کے دعوے پر شکوک ظاہر کیے۔انہوں نے کہا کہ پاکستان کے پاس اچھے بائولرز ہیں لیکن وہ بہترین نہیں ہیں۔ نسیم شاہ، شاہین آفریدی اور حارث رؤف اچھے ہیں، مجھے غلط مت سمجھیں ہم یہ نہیں کہہ رہے ہیں کہ وہ برے ہیں لیکن وہ بہترین بھی نہیں ہیں۔انہوں نے کہا کہ فاسٹ بائولر کی اعلیٰ صلاحیتوں میں شمار ہونے کے باوجود وہ اکثر دباؤ میں کارکردگی دکھانے کیلئے جدوجہد کرتے رہے ہیں۔واضح رہے کہ نیوزی لینڈ اور بھارت کے خلاف دو اہم میچوں میں پاکستانی فاسٹ بائولرز کی کارکردگی کا تجزیہ ظاہر کرتا ہے کہ وہ مہنگے ثابت ہوئے اور دونوں ٹیموں نے ان کے خلاف زیادہ رنز بنائے۔