چونیاں (نامہ نگار خصوصی) الہ آباد دیپالپور روڈ فلاور منڈی کے قریب تیز رفتار مزدا ڈالے نے موٹر سائیکل سوار فیملی کو کچل ڈالا، بہن بھائی جاں بحق،1بھائی، باپ اور ماں زخمی ہو گئے۔ تفصیلات کے مطابق  الہ آباد کی رہائشی فیملی موٹرسائیکل پر جا رہی تھی کہ دیپالپور روڈ پر گہلن فلاور منڈی کے قریب تیز رفتار مزدا ڈالے نے پیچھے سے ٹکر مار دی، جس کے نتیجہ میں دو بہن بھائی موقع پر ہی جاں بحق، ایک بچہ شدید زخمی، ٹانگ اور بازو ٹوٹ گیا، جاں بحق ہونے والوں میں  12 سالہ قاسم، 10سالہ خدیجہ جبکہ زخمیوں میں 8 سالہ عبداللہ، عبدالمجید اور والدہ عابدہ بی بی شامل ہیں۔ اطلاع کے باوجود ریسکیو 1122 اور پٹرولنگ پولیس موقع پر نہ پہنچ سکی۔ مقامی لوگوں نے اپنی مدد آپ کے تحت ڈیڈ باڈیز اور زخمیوں کو لوڈر رکشے میں ڈال کر آر ایچ سی ہسپتال الہ آباد منتقل کیا۔ حادثے کے شکار ہونے والے محنت کش میاں بیوی اپنے بچوں کے ساتھ گندم کی فصل کی کٹائی کے لئے جا رہے تھے، مقامی لوگوں نے ڈرائیور کو پکڑ کر پولیس کے حوالہ کیا، پولیس تھانہ الہ آباد نے گاڑ ی کو قبضہ میں لے کر کارروائی کا آغاز کر دیا ہے۔