لاہور(سپورٹس رپورٹر)آسٹریلیا کے سابق ٹیسٹ کرکٹر سٹیورٹ میک گل کو منشیات کیس میں قصور وار قرار دیدیا گیا۔آسٹریلوی میڈیا کے مطابق سٹیورٹ میک گل کوکین کی لین دین میں سہولت کاری میں ملوث پائے گئے، انہیں بہنوئی اور سٹریٹ ڈرگ ڈیلر کیساتھ سہولت کاری میں بھی قصور وار قرار دیا گیا ہے۔ میک گل کے خلاف فیصلہ نیو ساؤتھ ویلز ڈسٹرکٹ کورٹ نے 8 روزہ ٹرائل کے بعد سنایا جس میں جیوری نے کرکٹر کی جانب سے صرف 2  افراد کو متعارف کرانے کا دعویٰ بھی مسترد کیا۔ آسٹریلوی میڈیا کا بتانا ہے کہ منشیات کا یہ کیس 2021 سے چلتا آ رہا تھا تاہم سٹیورٹ میک بڑے پیمانے پر ممنوعہ ڈرگ کے کاروبار میں ملوث قرار نہیں دیے گئے۔ سٹیورٹ میک گل نے تسلیم کیا ہے کہ وہ باقاعدگی سے آدھا گرام کوکین 200 ڈالرز میں خریدتے تھے۔