لاہور(کامرس رپورٹر)پاکستان فرنیچر کونسل کے چیف ایگزیکٹو آفیسر میاں کاشف اشفاق نے کہا پی ایف سی بنگلہ دیش کی فرنیچر کی ضروریات کو پورا کرنے کیلئے مسابقتی نرخوں پر اعلیٰ اور بین الاقوامی معیار کی مصنوعات کی فراہمی کیلئے پر عزم ہے۔ گزشتہ روز بورڈ آف ڈائریکٹرز کے اجلاس کی صدارت کرتے ہوئے انہوں نے کہا اس سے دونوں ممالک کے درمیان اقتصادی تعلقات کو مضبوط اور پاکستان کی برآمدات کو فروغ دینے میں مدد ملے گی۔ پریمیم میٹیریل کیساتھ ہنر مند کاریگروں کے تیار کردہ پائیدار، جمالیاتی لحاظ سے دلکش اور سستے فرنیچر کی وجہ سے پاکستان فرنیچر اس ریجن کی انڈسٹری میں بزنس لیڈر ہے۔ امید ہے کہ بنگلہ دیشی خریدارکم نرخوں پر دستیاب پاکستان کے بہترین گھریلو، دفتری اور تجارتی فرنیچر کی وسیع رینج سے بھر پور استفادہ کریں گے۔ میاں کاشف اشفاق نے کہا ہمارا بہترین معیار، جدت اور صارفین کے ذوق سے ہم آہنگ فرنیچر عالمی فرنیچر مارکیٹ میں پاکستان کی بڑھتی ہوئی مسابقت کی عکاسی کرتا ہے جو پائیداری، بجٹ، اور خوبصورتی کے تمام آپشنز کی مانگ کو پورا کرتا ہے۔