اسلام آباد (اپنے سٹاف رپورٹر سے)نسپکٹر جنرل آف پولیس اسلام آباد سید علی ناصررضوی کی زیر صدارت امن و امان کی مجموعی صورتحال اورسیکیورٹی انتظامات کے حوالے سے اہم اجلاس کا انعقاد ہوا،اجلاس میں ڈی جی سیف سٹی اسلام آباد شاکر حسین داوڑ اور اے آئی جی آپریشنز محمد ارسلان شاہزیب نے شرکت کی ،اس موقع پر آئی جی اسلام آباد نے ٹیکنالوجی کے بہتر استعمال اور شہریوں کو سہولیات کی فراہمی سے متعلق مختلف امور سمیت امن و امان کی مجموعی صورتحال اورسیکیورٹی انتظامات پر تفصیلی تبادلہ خیال کیا،آئی جی اسلام آباد نے تمام ڈویڑنز میں باہمی رابطے کو مضبوط بناتے ہوئے عوام کو محفوظ اور مؤثر سروسز کی فراہمی کو یقینی بنانے کی ہدایات جاری کیں،انہوں نے افسران کو امن و امان کے قیام ، نجی و سرکاری املاک کی حفاظت اور جرائم کے سدباب کے لئے مؤثر حکمت عملی اپنانے سمیت شہریوں کی جان و مال کے تحفظ کو یقینی بنانے کے لئے تمام دستیاب وسائل بروئے کار لانے کے احکامات جاری کئے