کراچی (کامرس رپورٹر)ماہ اپریل 2025ء کے دوران بیرون ملک مقیم کارکنوں کی ترسیلاتِ زرمیں 3.2 ارب ڈالر کی آمد ہوئی ہے اور نمو کے لحاظ سے ترسیلات زر میں سال بسال بنیادوں پر 13.1 فیصد اضافہ ہوا۔ بینک دولت پاکستان کی رپورٹ کے مطابق ماہ جولائی تا اپریل مالی سال 25ء  کے دوران ترسیلاتِ زر میں مجموعی طور پر 31.2 ارب ڈالر آئے۔ جبکہ جولائی تا اپریل مالی سال 24ء کے دوران 23.9 ارب ڈالر موصول ہوئے تھے۔ اس طرح ترسیلات زر میں 30.9 فیصد اضافہ ہوا ہے۔ اپریل 2025ء کے دوران کارکنوں کی ترسیلات زر زیادہ تر سعودی عرب (725.4 ملین ڈالر)، متحدہ عرب امارات (657.6 ملین ڈالر)، برطانیہ (535.3ملین ڈالر) اور ریاست ہائے متحدہ امریکہ (302.4ملین ڈالر) سے موصول ہوئیں۔