راولپنڈی(سٹاف رپورٹر)قرطبہ یونیورسٹی آف سائنس اینڈ انفارمیشن ٹیکنالوجی کے شعبہ انگریزی سے تعلق رکھنے والے سکالر آفتاب احمد نے اپنی تحقیق مکمل کرنے کے بعد اپنے پی ایچ ڈی کے مقالے کا کامیابی سے دفاع کیا ہے۔ ان کے نگران پروفیسر ڈاکٹر مجیب الرحمان اور اسسٹنٹ پروفیسر ڈاکٹر ثقلین حسن تھے۔  آفتاب احمد نے کہا کہ الحمدللہ یہ میرے لیے انتہائی خوشی کا لمحہ ہے کیونکہ میں نے اپنے پی ایچ ڈی کے مقالے کا کامیابی سے دفاع کرلیا ہے۔ ان کاکہناتھاکہ یہ سفر چیلنجوں سے بھرا ہوا تھا لیکن میں اللہ تعالی کا شکر گزار ہوں کہ اس نے مجھے یہ کامیابی عطا کی۔ انہوں نے اس سفر کے دوران اپنے اساتذہ، خاندان اور دوستوں کا ان کے غیر متزلزل تعاون کے لیے تہہ دل سے شکریہ ادا کیا۔ انہوں نے دعا کی کہ "اللہ ہماری کامیابیوں کو برکت دے اور انہیں ہمارے ملک اور قوم کے لیے فائدہ مند بنائے۔"