لاہور(سپورٹس رپورٹر)پاکستان سپر لیگ 10 میں کراچی کنگز اور پشاور زلمی کے درمیان 8مئی کو ہونیوالا میچ ملتوی کردیا گیا۔ پاکستان کرکٹ بورڈ نے باضابطہ اعلان کردیا۔پی سی بی کا کہنا ہے کہ پی ایس ایل 10 کا گزشتہ روز کراچی کنگز اور پشاور زلمی کے درمیان میچ ری شیڈول کردیا گیا ہے، تمام سٹیک ہولڈرز کو اعتماد میں لے کر میچ ری شیڈول کیا، نئی تاریخ کا اعلان بعد میں کیا جائیگا۔ میچ کی ٹکٹوں کی واپسی ٹی سی ایس کاؤنٹر سے ہوگی جبکہ آن لائن ٹکٹیں خریدنے والوں کو آن لائن پیسے واپس آجائیں گے۔ پی ایس ایل 10 کے بقیہ میچز کراچی منتقل کردیئے گئے ہیں۔ وی آئی پی گیلری اور انکلوژرز کے ٹکٹ رکھنے والے حضرات میچ کیلئے ٹی سی ایس سنٹرز سے رقم واپس حاصل کر سکتے ہیں، جبکہ آن لائن خریدے گئے ٹکٹوں کی رقم خود بخود اسی اکاؤنٹ میں واپس کر دی جائیگی جو بکنگ کے وقت استعمال کیا گیا تھا۔پی سی بی نے فیصلہ کیا ہے کہ آنے والے دنوں میں ضرورت محسوس ہونے پر بقیہ میچز دبئی منتقل کرنے کا آپشن بھی موجود ہے۔ چار میچز اور پلے آف کے میچز اور فائنل میچ یہ آٹھ میچز ہیں جو اب نیشنل سٹیڈیم کراچی میں کھیلے جائیں گے۔