کراچی (سٹاف رپورٹر) پاک بھارت کشیدگی کے پیش نظر پاکستانی بندرگاہوں پر ہائی الرٹ جاری کرتے ہوئے تینوں بندرگاہوںگوادر پورٹ، پورٹ قاسم اور کراچی پورٹ  پر سیکیورٹی بڑھااور غیر ضروری نقل و حرکت پر پابندی عائد کردی گئی جبکہ  گوادر پورٹ، پورٹ قاسم اور کراچی پورٹ پر شپنگ آپریشن معمول کے مطابق جاری ہے۔ ذرائع کا کہنا تھا کہ ماہی گیروں کو بھی محتاط رہنے کی ہدایت کرتے ہوئے چھوٹی کشتیوں کے سمندر میں جانے پر پابندی لگائی گئی ہے جبکہ موجودہ حالات کے پیش نظر ماہی گیری کے لیے سمندر میں موجود فشنگ ٹرالرز اور کشتیوں کو واپس بلا لیا گیا ہے۔ ذرائع نے بتایا کہ ہائی الرٹ تک سمندر میں غیر ضروری بوٹس اور ماہی گیری کشتیاں و فشنگ بوٹس پر پابندی ہوگی۔