اسلام آباد(نمائندہ نوائے وقت)ایڈیشنل ڈسٹرکٹ اینڈ سیشن جج محمد شبیر بھٹی  نے مسلم لیگ ن کے رہنما احسن اقبال کا پی ٹی آئی رہنما مراد سعید کیخلاف ہرجانہ کیس میں محفوظ فیصلہ ایک بار پھر موخرکردیا۔گذشتہ روز سماعت کے دوران احسن اقبال اور مراد سعید کے وکلا عدالت میں پیش ہوئے، عدالت نے ایک بار پھر فیصلہ موخر کردیا، محفوظ فیصلہ اب 20 مئی کو سنایا جائے گا۔عدالت کیجانب سے فریقین کے دلائل مکمل ہونے پر فیصلہ محفوظ کیا گیا تھا،احسن اقبال نے عدالت میں پیش ہوکر اپنا بیان ریکارڈ کروایا گیا تھا،مراد سعید کیجانب سے انکے وکلا عدالت میں پیش ہوتے رہے،احسن اقبال نے مراد سعید کیخلاف 10 ارب ہرجانہ کا دعوی دائر کر رکھا ہے،مراد سعید نے مبینہ طور پر سکھر ملتان موٹروے میں کرپشن کا الزام عائد کیا تھا۔