بند بوسن( خبر نگار) اڈا بوسن پر 2025 انجمن تاجران کے سالانہ انتخابات ہوئے جس حاجی محمد قاسم بوسن چئیرمین اور حاجی عاشق علی بوسن صدر منتخب ہوئے،دیگر عہدیداران میں سینئر نائب صدر مہر یوسف ہانسلہ، نائب صدر مہر ایوب چاون، نائب صدر اول ملک ذوالقرنین بوسن، نائب صدر دوم ملک شان امیر بوسن، نائب صدر سوم رانا مشتاق، چہارم نائب صدر منور ہانلسہ منتخب ہوئے جبکہ جنرل سیکرٹری مہر ارشد ڈاہر، ایڈیشنل جنرل سیکرٹری ملک بلال وینس، مرکزی صدر ملک اعجاز بوسن، مرکزی نائب صدر ملک رمضان جانی بوسن نے بھی 2025 کے سالانہ الیکشن میں میدان مار لیا،چیئر مین مجلس عاملہ ملک فلک شیر کھنڈ اور فنانس سیکرٹری ملک سعید عورا بھی جیت گئے،جوائنٹ سیکرٹری سیٹھ عبدالستار، ایڈیشنل جوائنٹ سیکرٹری محمد بلال جوئیہ اور انفارمیشن سیکرٹری مہر عباس ہانسلہ منتخب ہوئے۔اس موقع پرنو منتخب صدر ملک عاشق علی بوسن نے تاجروں سے خطاب کرتے ہوئے کہاکہ میں ہر مشکل وقت میں تاجر برادری کیساتھ شانہ بشانہ ساتھ ہو ں گا میرے دروازے 24 گھنٹے آپ کیلئے کھلے ہیں۔