اسلام آباد(نمائندہ نوائے وقت)پاکستان ریلویز نے منصفانہ اور شفاف بولی کے عمل کے ذریعے پبلک پرائیویٹ پارٹنرشپ کے تحت 14 ٹرینوں کے کمرشل انتظام و انصرام کو نجی پارٹیز کے حوالے کر دیا گیا ہیکستان ریلوے نے جن ٹرینوں کی نجکاری کی ہے ان میں مہر ایکسپریس، فرید ایکسپریس، فیض احمد فیض، مہران ایکسپریس، سرسید ایکسپریس، بدر ایکسپریس، غوری ایکسپریس، میانوالی ایکسپریس، موہنجوداڑو، تھل ایکسپریس، تیزگام ایکسپریس، سبک خرم، راول ایکسپریس اور راوی ایکسپریس شامل ہیں۔ریلوے ذرائع کے مطابق کہ ٹرینوں کو آئوٹ سورس کرنے کا بنیادی مقصد مسافروں کو بہتر سہولیات فراہم کرنا اور محکمہ کے لیے زیادہ آمدنی پیدا کرنا ہے۔ انہوں نے کہا کہ ٹرینوں کو پبلک پروکیورمنٹ ریگولیٹری اتھارٹی (پیپرا) رولز کے تحت ٹینڈرنگ کے شفاف طریقہ کار کے ذریعے اخبارات میں اشتہار کے ذریعے نجی شعبہ کو سونپا گیا ہے۔ ٹرینوں کی  آئوٹ سورسنگ کامقصدپاکستان ریلوے کی آمدنی میں اضافہ نقصانات کم کرنے، صفائی ستھرائی کو بہتر بنانے اور مسافروں کو کھانے کی بہتر سہولیات فراہم کرناہے۔