لاہور(سپورٹس رپورٹر)پاکستان سپر لیگ کے دسویں ایڈیشن کی فزیکل ٹکٹوں کی فروخت آج پیر سے شروع ہو گی۔ پی ایس ایل کا افتتاحی میچ 11 اپریل کو اسلام آباد یونائیٹڈ اور لاہور قلندرز کے درمیان راولپنڈی کرکٹ سٹیڈیم میں کھیلا جائیگا۔ پی سی بی کے مطابق میگا ایونٹ کے فزیکل ٹکٹ پیر سے نجی کوریئر سینٹرز پر دستیاب ہوں گے۔پی ایس ایل چار شہروں راولپنڈی، کراچی، لاہور اور ملتان میں کھیلی جائے گی جس کا فائنل 18 مئی کو قذافی سٹیڈیم لاہور میں ہو گا۔ پی ایس ایل کے چاروں وینیوز کے عام ٹکٹ 650 روپے میں دستیاب ہوں گے۔ اسلام آباد یونائیٹڈ اور لاہور قلندرز کے درمیان راولپنڈی کرکٹ سٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے۔