لاہور(سپورٹس رپورٹر)نیوزی لینڈ کرکٹ نے پاکستان کرکٹ ٹیم کا 2 سیریز کیلئے دورہ کرنے پر شکریہ ادا کیا ہے۔نیوزی لینڈ کرکٹ نے پاکستان کرکٹ ٹیم سے تشکر کا اظہار کیا ہے، سوشل میڈیا پر جاری پیغام میں کہا کہ دو اچھی سیریز کیلئے پاکستانی کرکٹ ٹیم کا شکریہ ادا کرتے ہیں۔نیوزی لینڈ کرکٹ نے پیغام میں کہا کہ پاکستان ٹیم کی وطن واپسی کا سفر محفوظ ہو دوسری جانب قومی سکواڈ گزشتہ روزآکلینڈ سے براستہ دبئی وطن کیلئے روانہ ہوا ۔پاکستان کرکٹ ٹیم کا پہلا گروپ آج دوپہر اسلام آباد پہنچے گا جبکہ دوسرا گروپ 7 اور 8 اپریل کی درمیانی شب لاہور پہنچے گا۔