پاکستان سپر لیگ (پی ایس ایل) 10 کے 25 ویں میچ میں پشاور زلمی کے ہاتھوں 7 وکٹوں سے شکست کے بعد ملتان سلطانز کے بیٹنگ کوچ جولین ووڈ نے ناقص کارکردگی پر مایوسی کا اظہار کرتے ہوئے شائقین سے معذرت کی ہے ملتان کرکٹ اسٹیڈیم میں پریس کانفرنس کرتے ہوئے جولین ووڈ نے کہا کہ "ہم یہ تیسرا مسلسل میچ ہارے ہیں اور جو نتائج سامنے آئے ہیں، ان سے ہم خوش نہیں۔ ہماری 4 سے 5 وکٹیں جلدی گر گئیں، جس کی وجہ سے ہم مومینٹم حاصل نہیں کر سکے جولین ووڈ کا کہنا تھا کہ "آپ میچ ہارنے کے بعد ٹیم میں تبدیلیاں کرنا شروع کر دیتے ہیں، لیکن حقیقت یہ ہے کہ کوئی بھی ٹیم مسلسل اچھا نہیں کھیل سکتی۔ ہم پہلے میچ کے بعد دوبارہ سنبھل نہیں سکے انہوں نے مزید کہا کہ "ہم شائقین سے معذرت خواہ ہیں، کیونکہ ہم ان کی امیدوں پر پورا نہیں اتر سکے واضح رہے کہ پی ایس ایل 10 میں ملتان سلطانز نے اب تک صرف ایک میچ میں کامیابی حاصل کی ہے، جب انہوں نے لاہور قلندرز کو 33 رنز سے شکست دی تھی۔ اس کے بعد سے ٹیم مسلسل ناکامی کا شکار ہے ملتان سلطانز اپنا آخری لیگ میچ 11 مئی کو کوئٹہ گلیڈی ایٹرز کے خلاف کھیلے گی