اسلام آباد(اپنے سٹاف رپورٹر سے)ڈی آئی جی پولیس اسلام آباد محمد جواد طارق کی زیر صدارت کرائم میٹنگ کا انعقاد کیا گیا،جس میں زونل ایس پیز، ایس ڈی پی اوزاور ایس ایچ اوزنے شرکت کی،اجلاس میں ڈی آئی جی اسلام آباد نے تمام زونز اور یونٹس کی کارکردگی کا جائزہ لیا، انہو ں نے تما م افسران کو ہد ایات جاری کر تے ہو ئے کہا کہ جرائم پر موثر کنٹرول اور تفتیش کے معیار کو بہتر بنا ئیں،زیر تفتیش مقدمات کے چالان بروقت مرتب کر کے جمع کروائیں،کا ر و مو ٹر سائیکل چوری، قبضہ مافیا، منشیات فروشوں اور غیر قانونی اسلحہ اور سنگین جر ائم میں ملوث مجرمان اشتہا ریو ں کے خلاف بھرپور کریک ڈاؤن کر یں، متحرک گروہوں کے خلاف بھرپور قانونی کارروائیاں عمل میں لائیں اور عدم گرفتار ملزمان کی گرفتاریوں کو یقینی بنایا جائے،انہوں نے مزید کہا کہ تمام افسران پولیسنگ کو بہتر بنانے کے لئے روایتی تفتیش کے ساتھ ٹیکنالوجی کے استعمال کو بھی مدنظر رکھیں، سنگین جرائم کے انسداد اورایسے واقعات میں ملوث ملزمان کے خلاف سخت قانونی کارروائی عمل میں لا تے ہوئے کیفرکردار تک پہنچایا جائے،عدم گرفتار ملزمان کو جلد از جلد گرفتار کرکے تفتیش کو میرٹ پر یکسو کریں،گرفتار ملزمان کو قرار واقعی سزا دلوانے کے لئے ٹھو س شواہد کی روشنی میں چالان کیا جا ئے،ڈی آئی جی اسلام آباد نے مزید کہا کہ تھانے کی سطح پر شہریوں کی شکایات کے موثر ازالے کو یقینی بنایا جائے،بچوں اور خواتین کے خلاف جرائم پر زیروٹا لرنس پالیسی ہے،تمام افسران سنگین جر ائم میں ملوث مجرمان اشتہا ریو ں کے خلاف بھرپور کارروائیاں کریں، پٹرولنگ کو با مقصد اور مزید مو ثر بنائیں، پیشہ وربھکا ریو ں اوران کے سہو لت کاروں کو گرفتار کرکے انکے خلاف مقدما ت کا اندراج کر یں اور مقدمات کی تفتیش میں بہتری لائی جائے، انہوں نے مزید کہا کہ نا مناسب رویہ، بد اخلاقی اور کر پشن پر زیروٹا لرنس ہے، تمام افسران اپنے نظم و ضبط کومثالی بنائیں،شہر یو ں کی جان و مال کا تحفظ اولین تر جیح ہے، اس میں کسی قسم کی غفلت ہر گز بر داشت نہیں کی جائے گی۔