لاہور(خصوصی نامہ نگار) پاکستان مرکزی مسلم لیگ کے رہنماؤں نے کہا سیاستدان ملک کو مستحکم و محفوظ کرنا چاہتے ہیں تو سیاسی و ذاتی مفادات سے بالا تر ہوکر سوچیں۔تکفیر بہت بڑا فتنہ ،کسی کلمہ گو کو کافر قرار نہیں دیا جا سکتا۔ فتنہ تکفیر سے نوجوان نسل کو بچانا ہو گا۔ شوال کے 6 روزوں کی فضیلت بہت زیادہ ، ایک سال کے روزوں جتنا اجر ملتا ہے۔ شوال کے روزے رکھ کر بابرکت ایام سے فائدہ اٹھایا جائے۔ ان خیالات کا اظہار مرکزی مسلم لیگ کے سیکرٹری جنرل سیف اللہ قصوری، نائب صدر حافظ طلحہ سعید، ڈپٹی سیکرٹری جنرل حافظ خالد ولید نے اجتماعات سے خطاب اور بعد ازاں وفود سے ملاقاتوں کے دوران گفتگو کرتے ہوئے کیا۔ سیف اللہ قصوری کا کہنا تھا کہ پاکستان کیخلاف دشمن سازشیں کر رہے ہیں۔ سیاسی عدم استحکام، معاشی استحکام، بد امنی، دہشت گردی،ان تمام مسائل کا حل اتحاد و یکجہتی میں ہے۔ دہشت گردی کو جڑ سے اکھاڑنا وقت کی اہم ضرورت ہے۔ فلسطینیوں پر اسرائیلی مظالم کیخلاف مسلم حکمران جراتمندانہ کردار ادا کریں۔ حافظ طلحہ سعید نے کہا اسلام امن اور سلامتی کا دین ہے انتہا پسندی کا نہیں۔ دین اسلام میں آسانیاں ہیں۔ قرآن و سنت پر عمل کر کے دنیا و آخرت کو کامیاب بنایا جا سکتا ہے۔ اپنی خواہشات کو دین اسلام کے تابع کریں حالات سنور جائیں گے۔