لاہور (لیڈی رپورٹر ) چین کے وفد نے پنجاب یونیورسٹی شعبہ تاریخ ومطالعہ پاکستان کا دورہ کیا۔ اس موقع پرپنجاب یونیورسٹی ڈین فیکلٹی آف آرٹس اینڈ ہیومینیٹیز پروفیسر ڈاکٹر محبوب حسین نے معزز مہمانوں کو خوش آمدیدکرتے ہوئے شعبہ میں جاری تعلیمی سرگرمیوں اوراساتذہ بارے تعارف پیش کیا۔ وفد کے شرکاء نے تعلیمی تعاون، ثقافتی تبادلے اور شعبہ تاریخ اور چینی یونیورسٹیوں کے درمیان مستقبل کی شراکت داریوں پرسیر حاصل بات چیت کی۔ پروفیسر ڈاکٹر محبوب حسین نے کہادورہ تاریخی اور علاقائی مطالعات کے شعبے میں باہمی افہام و تفہیم اور تعاون کو مضبوط بنانے کی جانب ایک مثبت قدم ہے ۔شعبہ تاریخ آئندہ بھی تعلیمی روابط اور مشترکہ سیکھنے کے تجربات کیلئے کردار ادا کرتا رہے گا۔