حیدرآباد( بیورو رپورٹ)ٹنڈو جام کے رہائشی اور ریٹائرڈ فوجی گلزار احمد نے حیدرآباد پریس کلب میں پریس کانفرنس کرتے ہوئے پاک آرمی چیف، آئی جی سندھ اور ڈی آئی جی حیدرآباد سے مطالبہ کیا کہ 19 مارچ 2025 سے اغوا ہونے والے ان کے بیٹے کو بازیاب کرایا جائے۔انہوں نے بتایا کہ رمضان شریف کے دوران 19 مارچ کو ان کا بیٹا، جو نماز کے لیے گیا تھا اور ٹنڈو جام یونیورسٹی کا فائنل ایئر کا طالبعلم محمد فرخ ہے، اچانک لاپتہ ہوگیا۔ جب ان کے بیٹے کے فون پر رابطہ کیا گیا تو جواب دیا گیا کہ محمد فرخ اغوا ہو چکا ہے اور پولیس کو اطلاع دیے بغیر 20 لاکھ روپے تاوان ادا کیا جائے، ورنہ اس کی لاش ملے گی۔انہوں نے بتایا کہ اس واقعے کی اطلاع ٹنڈو جام پولیس کو دی گئی، لیکن 16 دن گزرنے کے باوجود سی ڈی آر کے علاوہ پولیس کیس میں کوئی پیش رفت نہ کر سکی۔ ، خدارا میرے بیٹے کو بازیاب کرایا جائے۔