لاہور( این این آئی)صوبائی وزیر قانون رانا ثناءاللہ خان نے کہا ہے کہ پنڈی والاصاحب عمران خان سے دوستی نہیں دشمنی نبھا رہا ہے، صرف ایک نشست رکھنے والا شرپسند عمران خان کو آئندہ عام انتخابات میں ایک نشست کے قابل بھی نہیں چھوڑے گا، محرم الحرام کے موقع پر فول پروف سکیورٹی کےلئے ہوم ورک مکمل کرلیا ہے، اے کیٹگری کے جلوسوں اور مجالس کو تھری لیئر سکیورٹی فراہم کی جائے گی۔ ایک انٹرویو میں رانا ثناءاللہ نے کہا کہ بد قسمتی سے عمران خان کی اپنی کوئی سوچ نہیں وہ جس کی پٹی پڑھ رہے ہیں جلد ان کی سیاست کا مکمل ستیاناس ہو جائے گا۔ دشمن سرحدوں پر اشتعال انگیزی کر رہا ہے اور ایسے موقع پر جب قومی یکجہتی کی ضرورت ہے عمران خان نے اپنا ڈرامہ شروع کر دیا ہے، ان کے اس اقدام کو کس کی مدد کہا جائے۔ عمران خان کو مفت مشورہ ہے کہ شر پسند کے پیچھے لگ کر اپنی سیاست کا ستیا ناس نہ کریں۔ پنڈی والاصاحب عمران کے کندھوں پر رکھ کر بندوق چلانا چاہتے ہیں، اگر عمران خان اسی طرح اپنا کندھا فراہم کرتے رہے تو آئندہ عام انتخابات میں ایک نشست کے قابل بھی نہیں رہیں گے۔ ہم چاہتے ہیں کہ پیپلز پارٹی کے مقابلے سے باہر ہونے کے بعد پی ٹی آئی ہمارے مقابلے پر رہے لیکن اپنی بیوقوفیوں سے خود مقابلے سے باہر ہو رہے ہیں۔انہوں نے کہا کہ محرم الحرام میں پاک فوج اور رینجرز کی 82کمپنیوں کو ریکوزیشن کریں گے جو کسی بھی ناخوشگوار واقعہ کی صورت میں پولیس اور انتظامیہ کی مدد کے لئے دستیاب ہوں گی۔
رانا ثناء