ایک 15 سالہ لڑکے نے دنیا کی سب سے بڑی کینوس پینٹنگ کا گنیز ورلڈ ریکارڈ توڑ دیا ہے، جس کا مقصد آٹزم کے بارے میں شعور اجاگر کرنا ہے۔
کانی چوکو تاگبو اوکیکی جو آٹزم کا شکار ہے نے 12,304 مربع میٹر کے رقبے پر محیط جذباتی شبیہیں سے گھرا ایک کثیر رنگ کا ربن — آٹزم کی علامت — پینٹ کیا۔ یہ فٹ بال کے ایک عام میدان سے بہت بڑا ہے جو کہ 7,140 مربع میٹر پر مشتمل ہوتا ہے۔غیرمعمولی طور پر بڑی ڈرائنگ کا مقصد آٹزم سپیکٹرم ڈس آرڈر اور نائیجیریا میں غربت اور محدود وسائل کے درمیان ان جیسے لوگوں کو درپیش چیلنجوں پر روشنی ڈالنا ہے۔اس پینٹنگ نے پچھلے ریکارڈ ہولڈر عماد صالحی کو پیچھے چھوڑ دیا۔ 42 سالہ صالحی نے 9,652 مربع میٹر کا کینوس پینٹ کرکے عالمی ریکارڈ قائم کیا تھا۔نومبر 2024ء میں مکمل ہونے والے اس آرٹ ورک کی نقاب کشائی کی گئی اور اسے گنیز ورلڈ ریکارڈز کے منتظمین نے گذشتہ اپریل میں عالمی آٹزم آگاہی دن کے دوران نائیجیریا کے دارالحکومت ابوجا میں تسلیم کیا تاگبو اوکیکی نائجیریا جانے سے پہلے کینیڈا میں پیدا ہوئے تھے۔ ان کے خاندان کا کہنا تھا کہ ان کی پرورش آسان نہیں تھی۔اس کے والد نے ایک حالیہ انٹرویو میں ’دی ایسوسی ایٹڈ پریس‘ کو بتایا تھا کہ راستے میں ان کے بیٹے کے لیے ہمیشہ خوف، الجھن اور اداسی رہتی ہےوالد نے مزید کہا کہ "اپنے بیٹے سے رابطہ نہ کر پانا یا معمول کی سرگرمیاں جو آپ کسی دوسرے بچے کے ساتھ کریں گے نہ ہونا بہت مایوس کن ہے"۔آٹزم کے شکار بہت سے لوگوں کو نائیجیریا میں وسائل کی کمی کا سامنا ہے لیکن تاگبو اوکیکی کے خاندان نے اسے ہر ممکن مدد فراہم کرنے کا تہیہ کر رکھا تھا۔
