اسلام آباد (نمائندہ خصوصی) وفاقی وزیر منصوبہ بندی احسن اقبال نے کہا ہے کہ وزیراعظم شہباز شریف نے معیشت کو ڈھلوان سے اڑان پہ موڑ دیا۔ جدہ میں تقریب سے خطاب کرتے ہوئے احسن اقبال نے کہا کہ پاکستان کی تین اڑانیں عدم استحکام کی بدولت کریش ہو چکی ہیں۔ چوتھی اڑان کی قوم حفاظت کرے گی، مزید کریش کی گنجائش نہیں ہے۔ انہوں نے کہا کہ اڑان پاکستان ملک کی ترقی کو پائیدار اور دیرپا بنیاد فراہم کرنے کا پروگرام ہے۔ سیاسی لانگ مارچز کو خیر باد کہہ کر اقتصادی لانگ مارچ کرنا ہے۔ پاک سعودی تجارتی روابط بڑھانے میں مقامی کمیونٹی کردار ادا کرے۔