لاہور(سپورٹس رپورٹر)نیوزی لینڈ کے خلاف دوسرے ون ڈے میں پلیئنگ الیون سے باہر ہونے والے نسیم شاہ نے کنکشن رولز کے تحت حارث رؤف کی جگہ بیٹنگ کی۔ہملٹن میں کھیلے گئے میچ میں بیٹنگ کے دوران فاسٹ باؤلر حارث رؤف سر پر گیند لگنے سے کنکشن ریٹائر ہرٹ ہو گئے تھے، ان کی جگہ پلیئنگ سے باہر ہونے والے فاسٹ باؤلر نے بیٹنگ کی۔نسیم شاہ نے شاندار بیٹنگ کی اور انہوں نے اپنے کیرئیر کی پہلی نصف سنچری بھی بنا ڈالی، اس اننگ میںچار چوکے اور چار چھکے لگائے، وہ 51 رنز بنا کر آؤٹ ہوئے۔ نسیم شاہ نے نمبر 11 کے بیٹر کی طرف سے بہترین ون ڈے باری کھیلنے کامحمد عامرکا ریکارڈ توڑ دیا۔