لاہور(سپورٹس رپورٹر)فٹبال کی عالمی تنظیم فیفا کی جانب سے بھی مسلمانوں کو عید کی مبارکباد پیش کی گئی۔فیفا بھی عید کے تہوار پر مسلمانوں کی خوشیوں میں شریک ہوگئی اور فیفا نے سوشل میڈیا پوسٹ کے ذریعے عید کی مبارکباد پیش کی۔فیفا کی سکیچز پر مبنی تصویر میں مختلف ممالک کے فٹبالرز کو لذیذ کھانوں سے لطف اٹھاتے اور گلے ملتے دیکھا جا سکتا ہے۔ لیجنڈ فٹبالر کرسٹیانو رونالڈو نے بھی مسلمانوں کو عید الفطر کی مبارکباد پیش کرتے ہوئے کہا کہ دیا ہے عید آپ کے پیاروں کیلئے خوشی اور امن لے کرآئے۔رونالڈو نے لکھا عید مبارک! میری خواہش ہے کہ یہ خصوصی وقت آپ سب اور آپ کے پیاروں کیلئے خوشی، امن اور سلامتی لائے۔انہوںنے اپنے پیغام میں عید الفطر کو ایک بابرکت موقع قرار دیتے ہوئے خصوصی دعا بھی کی کہ یہ تہوار ہر ایک کیلئے امن اور سلامتی کا پیغام لے کر آئے۔