لاہور(لیڈی رپورٹر) پنجاب انفارمیشن ٹیکنالوجی بورڈ کے زیر اہتمام یومِ تشکر کی تقریب ارفع کریم ٹاور میں منعقد ہوئی۔ تقریب کی صدارت چیئرمین پی آئی ٹی بی فیصل یوسف نے کی جس میں بورڈ کے سینئر افسران اور عملے کی بڑی تعداد شریک ہوئی۔ تقریب میں ڈی جی ساجد لطیف، وقار قریشی، اے ڈی جی قاسم افضال، نثار احمد، کاشف فاروق‘خرم مشتاق‘ عمرسلمان‘ حماد ہمدانی ‘ سی ایف او نادیہ ریاض‘ سی ٹی او عادل اقبال‘ سی آئی ایس او سجاد غنی‘ ڈائریکٹر ارتضیٰ حشمت‘ عدیل سرور‘ حسنین اقبال‘ عطاالرحمن سمیت دیگر افسران بھی شریک ہوئے۔ چیئرمین فیصل یوسف نے کہا پاک افواج نے بھرپور جذبے کیساتھ دشمن کی سازشوں کو ناکام بنایا‘ بھارت کو عبرتناک شکست ہوئی۔ ان کا کہنا تھا کہ قوم اپنی بہادر افواج پر فخر کرتی ہے جس نے دشمن کی کمر توڑ دی اور ملک پر آنچ نہ آنے دی۔ تقریب میں وطن عزیز کے شہداء کو خراج عقیدت پیش کرنے کیلئے فاتحہ خوانی کی گئی۔