لاہور(سپورٹس رپورٹر)قومی ٹیم کے اسسٹنٹ ہیڈ کوچ اظہر محمود نے اسلام آباد یونائیٹڈ کو الوداع کہہ دیا۔ انہوں نے قومی ٹیم کے ساتھ اپنی ذمہ داریوں کے باعث فرنچائز کیساتھ معاہدہ ختم کیا۔اسلام آباد یونائیٹڈ نے اظہر محمود کی خدمات کو سراہتے ہوئے ان کیلئے نیک تمناؤں کا اظہار کیا۔پی ایس ایل سیزن 10 کیلئے اسلام آباد یونائیٹڈ نے نیوزی لینڈ کے این بٹلر کی خدمات حاصل کر لی ہیں۔ وہ ٹیم کے بائولنگ کوچ کی ذمہ داریاں نبھائیں گے۔این بٹلر پہلی بار پاکستان سپر لیگ میں کوچنگ کے فرائض انجام دینگے اور ٹیم کی بائولنگ لائن کو مزید مضبوط بنانے میں کردار ادا کریں گے۔