اسلام آباد (خبرنگار) موجودہ پارلیمنٹ کے 12ویں سیشن میں ارکان اسمبلی کی حاضری کارکردگی پر فافن نے جائزہ رپورٹ جاری کر دی ہے۔ سیشن کا انعقاد 13سے 23 جنوری 2025 تک رہا جس میں ایوان کی 9نشستیں ہوئیں۔ صرف 36ارکان نے تمام نشستوں میں شرکت کی۔ 35ارکان کسی بھی نشست میں نہ آئے۔ سیشن کی 9ویں نشست میں سب سے زیادہ241 (68) فیصد ارکان حاضر ہوئے۔ سیشن کی 5ویں نشست میں سب سے کم 117 (37) فیصد ارکان حاضر ہوئے۔ 277 ارکان 82 فیصد ایسے تھے جو کم از کم ایک نشست میں حاضر نہیں ہوئے۔ نو میں سے 8  نشستوں میں مرد ارکان کے مقابلے میں خواتین کی حاضری کی شرح بلند رہی۔ 96 ایم این ایز درخواست دے کر رخصت پر رہے۔ 181  ارکان بغیر باضابطہ درخواست دئیے نہ آئے۔ مسلم لیگ (ن)، سنی اتحاد کونسل، پیپلزپارٹی کے اکثریتی ارکان نصف سے زائد نشستوں میں حاضر ہوئے۔ مسلم لیگ (ن) کے 13 فیصد، سنی اتحاد کونسل کے 8 فیصد، پیپلز پارٹی کے 11 فیصد ارکان کی حاضری 100 فیصد رہی۔ سیشن کے وقفہ سوالات میں 20  وزراء کی حاضری درکار تھی تاہم صرف 6 وزراء تمام متعلقہ نشستوں میں حاضر ہوئے۔ پانچ وزراء کسی بھی نشست میں نہ آئے ۔ 9 وزراء نے کم از کم ایک نشست میں حاضری دی۔ وزراء میں صرف وزیر ہائوسنگ تمام نشستوں میں حاضر رہے۔ وزیراعظم نے صرف 2 نشستوں میں شرکت کی، اپوزیشن لیڈر تمام نشستوں میں شریک ہوئے۔