لاہور (آئی این پی ) پاکستان تحریک انصاف نے مزید 6 ممبرز کی بنیادی رکنیت معطل کردی۔ پاکستان تحریک انصاف نے 6 اراکین کی بنیادی رکنیت منسوخ کرتے ہوئے انکا نوٹیفیکشن جاری کردیا ہے۔ سلیم بریار۔ سید ذوالفقارعلی شاہ اورعثمان تراکائی کی بھی پارٹی سے بنیادی رکنیت معطل کی گئی۔ سیکریٹری جنرل عمر ایوب کے دستخط سے باضابطہ نوٹیفکیشن جاری کردیا گیا۔ نوٹیفیکشن میں اراکین کو چارج شیٹ کرتے ہوئے کہا گیا ہے کہ میڈیا کے مختلف فورمز پر آپ کی پریس کانفرنس کی گردش اور بڑے پیمانے پر نشریات دیکھی گئی کہ آپ نے پاکستان تحریک انصاف چھوڑ دی ہے۔ آپ نے جان بوجھ کر پارٹی دفاتراور پارٹی کی بنیادی رکنیت سے استعفی دینے کا اعلان کیا ۔ لہذا آپ کو پاکستان تحریک انصاف کی بنیادی رکنیت ختم کرنے کا نوٹس دیا جاتا ہے۔ نوٹس میں کہا گیا کہ آپ کو ہدایت کی جاتی ہے کہ پارٹی کا نام ۔ عہدہ اوررکنیت کا کسی بھی طریقے سے استعمال کرنے سے گریز کریں ۔ خلاف ورزی کی صورت میں پارٹی آپ کے خلاف قانونی کارروائی کریگی۔

سرگودھا (نمائندہ خصوصی) تحریک انصاف کی جیل بھرو تحریک کے نظر بند اسیر سابق ایم پی اے امیدوار پی پی 80 غلام اصغر علی خان لاہڑی نے تحریک انصاف کے ساتھ ساتھ سیاست کو چھوڑنے کا اعلان کر کے کپتان سے راہیں خدا کر لیں جن کو ایک روز قبل لاہور سے بیٹے کے ساتھ گرفتار کیا گیا جنہوں نے اپنے ویڈیو بیان میں 9 مئی کے واقعات کی پرزور مزمت کرتے ہوئے پاک فوج سے اظہار یکجہتی کیا اور کہا کہ پاک فوج کے شانہ بشانہ کھڑے ہیں۔ انہوں نے پاکستان تحریک انصاف اور سیاست کو چھوڑنے کا اعلان کرتے ہوئے کپتان سے راہیں جدا کر لیں۔