نئی دہلی (این این آئی) بھارتی میڈیا نے الزام لگایا ہے کہ بنگلہ دیش مبینہ طور پر پاکستان سے شارٹ رینج بیلسٹک میزائل حاصل کرنے کی کوشش کر رہا ہے تاکہ ممکنہ بھارتی حملے کے خلاف اپنی دفاعی صلاحیتوں اور ڈیٹرنس کو مضبوط کیا جا سکے۔ میڈیا رپورٹس کے مطابق دفاعی ویب سائٹ انڈین ڈیفنس ریسرچ ونگ کی رپورٹ میں دعویٰ کیا بنگلہ دیش نے پاکستان سے کم فاصلے پر ہدف کو نشانہ بنانے والا میزائل ابدالی خریدنے کے لیے رابطہ کیا ہے، جس کی رینج400  کلو میٹر ہے، بظاہر بھارت کے حملے کے خلاف کارروائی کرنے کے لیے ہے۔ رپورٹ میں کہا گیا ہے کہ ممکنہ طور پر پاکستان دو اہم وجوہات کی بنا پر درخواست پر رضامند ہو سکتا ہے۔ پہلا ڈھاکہ کی حمایت کر کے اپنے علاقائی اثر و رسوخ کو بڑھانا جو کہ اس وقت نئی دہلی کے خلاف ہے اور دوسرا کیونکہ ابدالی ایس آر بی ایمز کی فروخت سے دفاعی توازن میں کوئی خاص تبدیلی نہیں آئے گی۔ پاکستان کے خلاف کیونکہ ان میزائلوں کی رینج کم ہے اور یہ صرف حقیقت پسندانہ اور ممکنہ طور پر بھارت کے خلاف استعمال کیے جا سکتے ہیں، جس کے ساتھ بنگلہ دیش کی طویل سرحد ہے۔ رپورٹ کے مطابق ابدالی میزائل سسٹم جسے پاکستان کے سپیس ریسرچ کمیشن (سپارکو) نے تیار کیا ہے، میدان جنگ میں فوری ردعمل کے لیے ڈیزائن کیا گیا ہے اور اس طرح کے حالات میں پاک فوج کو ایک حکمت عملی فراہم کرتا ہے۔ دفاعی ماہرین کا خیال ہے کہ اگر بنگلہ دیش انہیں پاکستان سے حاصل کرنے میں کامیاب ہو جاتا ہے تو ابدال ایس آر بی ایمز علاقائی سلامتی کی حرکیات کو یکسر تبدیل کر دیں گے اور جنوبی ایشیا میں سٹریٹجک توازن کو تبدیل کر دیں گے۔ کچھ ماہرین کا دعویٰ ہے کہ بنگلہ دیش کا بیلسٹک میزائلوں کا حصول ہتھیاروں کی دوڑ کو شروع کر سکتا ہے۔